0316 - مية الشعير ... العلاج الفعال للتسييف

0316 - مية الشعير ... العلاج الفعال للتسييف
---------------------------------------------------

صباح الفل عليكم اولا... حكينا ف البوست السابق (0315) عن 

الاسباب الحقيقة للتسييف وقولنا ان الحل ف الانزيمات الهاضمة ... 

ايه بقى موضوع الانزيمات دى :

دى عبارة عن مركبات اصلا بتفرز طبيعى من الجسم لمساعدة فى 

الهضم وتحويل الكلفة الى لحم

ومنها ما هو مصنع من قبل كتير من الشركات زى الاوبتزيم و الكيم 

زايم وغيرة من المنتجات اللى بتضاف على العلف والاخرى اللى 

بتضاف على المية

الخلاصة ان الانزيمات دى هى الحل المشترك لكل المشاكل اللى 

عرضناها اعلى

واذا خلطناها مع البروبيوتيك بتكون افضل اداء

يعنى لو عاوز تشغلها فى المية اعتبرها زى الفيتامين وحطة كل 

شوية

اما لو بتأكل خلطة فخلية مستمر على الكلفة افضل

وهى عبارة عن منتجات بتنتجها الشركات

لكن واحد بيقوللى دى غالية يابو هاجر شوفلنا حاجة على قدنا 

وتدينا نفس المفعول

منها نوفر فى التكلفة ومنها نحاول نبتعد بقدر الامكان بكل ما هو 

صناعى

شوف الخلطة دى

------------------
1 - هنجيب الخميرة الخبيز العادية ونبيتها فى المية لتالى يوم 

هيطلع منها مستحلب طبيعى من البكتريا النافعة (10 جم/ لتر ماء)

2 -هنجيب 50 جم شعير وننقعة فى لتر ما لمدة 48 ساعة هينتج 

عنة ماء غنى جدا بالانزيمات ( هو دا الخير كلة اللى هيصلح غالبية 

المشاكل اللى ذكرناها فى 0315 )

والماء ده هنضيفة على المستحلب بتاع الخميرة ونشرب الحمام 

لمدة 4 ساعات

بس بعد التعطيش لمدة 8 ساعات ونكرر لمدة 7 ايام

شوف الفرق بقى ياعم الغاوى

ايه رأيكم